बालेन्द्र शाह नेतृत्वको शक्तिशाली सरकारले भ्रष्टाचार, अनियमितताका ठूल्ठूला फाइलहरु खोलिरहँदा कर्मचारीहरुले भने घुस लिन छाडेका छैनन् । प्रधानमन्त्री,मन्त्री,सांसदसम्मका पूराना फाइलहरु खोतल्दै धमाधम पक्राउ गरिरहँदा एक कर्मचारी भने तीस हजार घुससहित पक्राउ परेका छन् । त्यो पनि अन्यन्त्र होइन मुलुकको प्रमुख प्रशासकीय केन्द्र सिंहदरबारकै अगाडि खाद्य प्रविधि तथा गुण नियन्त्रण विभाग, बबरमहलबाट ।
बिज्ञापन
अख्तियार दुरुपयोग अनुसन्धान आयोगको टोलीले खाद्य प्रविधि तथा गुण नियन्त्रण विभागको अनुगमन तथा निरीक्षण शाखामा कार्यरत प्राविधिक सहायक सञ्जय चौधरीलाई ३० हजार घुससहित पक्राउ गरेको हो । उद्योग नवीकरण गराइदिने बहानामा सेवाग्राहीसँग घुस मागेर दुःख दिएको उजुरीका आधारमा अख्तियारको टोलीले विभाग परिसरबाटै चौधरीलाई पक्राउ गरेको हो । चौधरीको साथबाट घुस रकमसहित दुई थान मोबाइल पनि बरामद गरिएको अख्तियारले जनाएको छ ।
बिज्ञापन
केही बर्ष अगाडि सोही विभागका एक इञ्जिनियर योगेन्द्र ढुंगेल यसैगरी १ लाख ५० हजार घुससहित पक्राउ परेका थिए । मिनरल वाटर उत्पादन गर्ने कम्पनीका लागि अनुज्ञा पत्र लिन गएका व्यवसायीसँग घुस मागेको थिए ढुंगेलले । अनुज्ञा पत्र लिन आउने सेवाग्राहीसँग १ लाख ५० हजार रुपैयाँ घुस लिएको पाइएपछि उनलाई पनि ववरमहलबाटै पक्राउ गरिएको थियो । र,संयोग यी दुबै कर्मचारीहरु विभाग परिसरबाटै पक्राउ पर्दा महानिर्देशकको कुर्सीमा मतिना वैद्य कार्यरत छिन् । उसो त वैद्यलाई सो विभागको स्थायी डिजीको रुपमा चिन्छन्,कर्मचारीहरु ।
बिज्ञापन
